لما بلشت أشتغل مع الـ LLMs، ما كان في MCP. ما كان في A2A. ما كان في ح…

لما بلشت أشتغل مع الـ LLMs، ما كان في MCP. ما كان في A2A. ما كان في حدا قبلي وقع بنفس المشكلة وكتب عنها.

كنت بحل مشاكل ما كان إلها اسم بعد.

وهاد بالضبط علمني الإشي يلي ما قدر يعلمني إياه أي كورس: إنك لما بتبني، بتوصل لأسئلة ما في فيها إجابات جاهزة. ولما بتحلها بنفسك، بتفهم المجال بطريقة ما بتفهمها بغير طريق.

كتير مبرمجين عم يسألوني: "كيف أبدأ؟ وكيف أضل relevant؟"

جوابي دايماً نفسه - وما في حدا بدو يسمعه.

ارجع للأساس، وابني إشي.

الأساس يعني: Python منيح وشغل على APIs، فهم كيف الـ LLMs بتشتغل فعلاً، الـ prompting والـ context window، الـ RAG، الـ agents وأدوات زي LangGraph، ومفاهيم زي MCP والـ autonomy وharness engineering.

هاي الأرضية. بس الأرضية لوحدها ما بتكفي.

ابني إشي. مش مشروع يغير العالم - إشي بيحل مشكلة بتواجهها إنت. ممكن تكون أبسط مشكلة وإلها ٤٠٠ حل موجود، المهم إنك حليتها إنت واستعملت الـ AI فيها.

لأنو بالبناء بتوصل للمشاكل الحقيقية. والمشاكل الحقيقية هي يلي بتعلمك.

تعلمت كمان إشي بالطريقة الصعبة: ما في حدا رح يجي يقدملك الفرصة. الفرص ما بتيجي لعندك - إنت اللي بدك تروح لعندها.

المبرمجين يلي بخوفوني مش الـ AI. هم اللامبالين - يلي عم ينتظروا يشوفوا. هدول رح يتأذوا.

يلي عم يعملوا الـ mind shift، كيف يشتغلوا مع الـ AI وبالـ AI، هدول رح يحلّقوا.

زمن "بنتظر ونشوف" انتهى.